令人羨慕嗎

最近與朋友聚會，總會聽到些

「你就好啦，可以周圍去」、「一定好好玩」、「好羨慕你呀」

我不否認，這份工是讓我可以周圍去，亦幾好玩，

但其實令人羨慕嘛，只是因為我把crew life最美好的一面show給大家看

如周遊列國的相片和遊記，一個月15日假的得戚樣

做crew辛苦心酸的一面大家不了解

就算是我咁中意去旅行，做到第二個月飛4 days Auckland已經覺得，

呀我唔想離開屋企咁耐

每次返工都拖著沈重的suitcase和心情步入briefing room，

還要暗暗祈求遇到好阿姐好老總好crew

Inflight通常都做到又餓又攰，手上總有幾處不知何時弄傷的傷口，指甲通常都崩q晒

假雖然多，但一半以上都用來訓覺tune時差

於我而言，份工好的部分只是剛好和辛苦的部分來個breakeven

我不討厭，至少可以唔使錢去旅行（雖則並不是我喜愛的旅遊方式）同無限放假都無得輸

但我也說不上很喜歡，更說不上令人羨慕

都係果句，你睇我好我睇你好。

說實話，我也有點羨慕每天可以回家食飯的人。